بدون اسم !

لي فتره طويله ما كتبت في المدونه او فكرت اكتب ، بصراحه مدري احس اني اواجه صعوبه في الكتابه وايصال الافكار للطرف الاخر ايضاً حتى اني ما احب ادخل في نقاشات لاني بصراحه ما اعرف اقنع الطرف الاخر ابداً
فيه افكار وفيه كل شي بس لما يجي وقت الكتابه اواجه صعوبه وتاخذ مني وقت واتعيجز واسحب .! 
خصوصاً موضوع الوقت، الكتابه تاخذ مني وقت ودايم اقول عندي افكار وكذا وبكتبها بعدين وكل ما تذكرت اني راح اكتب واتعب اقول بعدين راح اسويها وعلى هذا المنوال آآجل الى مالا نهايه .. احس الكتابه موجهه لاشخاص معينين اللي يمتلكون الموهبه وليس الكل
عموماً راح احاول اثري محتوى المدونه من جديد وارجع لها  واعطيها وقتها ولو شي بسيط ، على الاقل لو احط ذكريات لي اتذكرها بعدين مرور الوقت لاني اجمل ما شفت في مدونتي اني ارجع لمواضيع قديمه واتذكر وقت كتابتي لها واقارن اسلوب كتابتي الحالي بالقديم والاحظ اخطائي وكذا
وبس هذا اللي كنت ودي اقوله ، شكراً لقرائتك ^_^ ..