Shutter Island
مع اني ماحب الممثل Leonardo DiCaprio الا انه تمثيله بطل مره في هالفلم ضابط الدور ، طبعاً الفلم يحتوي على الكثير من
الغموض حتى انك ما راح تعرف وش القصه في النهايه ، حتى من زود فضولي رحت ابحث واقرا عن القصه وصار كل واحد يخرف
قصه وكل واحد يكذب الثاني يعني راح تعيش الجو معهم وتحط نفسك مكانهم وتسأل نفسك كيف صار كذا وكيف ما صار وتحلل
القصه بكيفك ، هذا اللي يعجبني في افلام الغموض الفلم فيه لقطات مب صاحيه وخياليه وخاصةً اذا كان عندك مسرح منزلي
مثلاً مقطع الحلم الاول مع زوجته جداً رائع وخيالي ، عندك المقطع يوم يهربون للمقبره تحت الصاعقه والامطار والاشجار تتساقط
حسيت ان الشجره بتطيح علي خخخخ ، وخفت مررره يوم اخر شي يقتل بالمسدس الصوت مره هادي ويوم يطلق بسم الله
تروعت طبعاً ما ودي اوضح من قتل عشان ما اخرب عليكم القصه ، الفلم فيه شوية رعب واثاره وفيه شوية رومنسية مع حرمته
فلم جداً رائع ونهايه يبيلها تفكير ، الفلم تقييمة حالياً 8.0/10 من IMDb ، شكراً لقرائتك
السبت، 31 يوليو 2010
Shutter Island - جزيرة شاتر
الاشتراك في:
الرسائل (Atom)