bayonetta - Xbox360

رحت اليوم محلات العاب الفيديو جيمز خذتلي لفه ادور على bayonetta و gears of war 1
مريت حي الملك فهد لاني كنت ساكن سابقاً هناك وعارف المحلات صح ، مريت المحترف لقيته عنده العاب كثيره
لكن ما لقيت اللي ابيه ، رحت مريت خط الانتظار جيران المحترف ايضا ما عندهم . . صراحه تشآئمت قلت اكيد ما راح احصلها
مريت محل الجنرال مقابل شارع الامير نايف بحي الملك فهد ، ولقيت عنده bayonetta مستعمل بـ 130 سألت راعي المحل
اللعبه ملك لك ولا لزبون يعرضها للبيع ؟ ، قال لا لي . . المهم بعد ما كاسرته خصم لي 10 ريال ، خير وبركه
طبعا هالكلام امس اليوم قاعد العب فيها ووصلت مرحله 11 ومدة اللعب تقريباً 8 ساعات ، اللعبه تملك طابع كوميدي كبير
جداً مع الاكشن والسرعه في القتال ، تشبه كثيراً DMC لكن طبعاً انا اعتبرها افضل اعتبرها نسخه محسنه بشكل كبير
الكمبوهات كثيره جداً والاعداء لن تمل منهم ابداً فلن يتكرروا معك كثيراً وان تكرروا ستتغير خواصهم او حركاتهم
الاعداء عاداً احجامهم كبيره جداً ستطيل القتال معهم ، الاسلحه قليله الى الان معي 4 اسلحه فقط . . شي واحد يكرهني
في اللعبه " التفصخ " لازم تتفصخ في الكمبوهات في العروض في الحركه يعني ما انصح احد ياخذها ويلعبها قدام
اهله وما انصح احد ياخذها وعمره اقل من 17 . . مع ذلك اللعبه جداً ممتعه ومضحكه كثيراً